Nescafe Dolce Gusto Review

Nescafe Dolce Gusto

اهلين كيفكم ؟؟

 اليوم راح اتكلم عن آلة القهوة الجميلة الي كان المفروض انزلها من زمان بس ما الله اراد و اخيراً ضبط معي و نزلتها اليوم 

 بما اني من عشاق القهوه ،،،،،،،،، هذا الاختراع الجميل وفر علي روحة المقاهي خلاص صرت كل ما اشتيت قهوة سواء باردة او ساخنة او حتى هوت تشوكلت ال مضموط !!

الاقيه عندي بالبيت ما يحتاج اطق مشوار و زحمة من جد اختراع بطل و سعرو معقول بالنسبة لمميزاتو الرهيبة 

بالبداية راح اتكلم عن قصتي معاه *قلوب*

طبعاً انا ما قررت اشتريها بين يوم وليلة بالعكس قعدت فترة  و انا اشوف ريفيوهات عنها !

كيف تشتغل ؟؟ و كيف طعم القهوة فيها هل تستاهل او لا ؟؟ و كمان عن فرق الاتوماتيك و المانوال و بين الجديد و القديم و هكذا يعني ..

المهم يوم قررت اشتريها خلاص كنت ناوية ع وحدة غير هذي لقيتها في موقع امازون الامريكي

 اقدم شوي و صغيرة ومانوال و كفاءتها اقل و سعرها اعلى من هذي

 الين لمن شفت ريفيو لواحد شرا هذي الجميلة من موقع امازون الالماني اجدد اصدار و اتوماتيك و غير كذا فرق السعر بينها و بين الي كنت حشتريها من امازون الامريكي و الفولت حقها 220

فبما انو اخوي يدرس في المانيا اعطيته اللينك ووصيته يشريها لي ....

 فشريتها ب750 ريال سعودي مع النكهات ومن دون تكلفة شحن..

بس اذا ماكان عندك احد بالمانيا ابداً للا تحسبين انها مشكلة او انو خلاص راحت عليك!!

 لان موقع امازون عندو خدمة الشحن دايركت للسعودية صح انو بتزيد التكلفة شوي بس معليش احس الجهاز مرا يستاهل *قلوب*

ع فكرة ترى موقع امازون اسعارو تتغير كثير !!

و انا اخذت الآلة وقت البلاك فرايدي فانتو تحرو اوقات التخفيضات احسن شي ..
و تحت تلاقون رابط الالة و النكهات في موقع امازون الألماني ..

** الآلة **

( هنا  )

**النكهات**

( هنا )

و هذا كل شيء عن الآلة و ان شاء الله اكون افدتكم بكل ما يخص هذه الآلة ومهما تكلمت ما احس اني راح اوفي حقها من كثر ماهي جميلة و فكت لي ازمة *عين قلوب*
و الي جرب هالآلة او اي اله قهوة غيرها يشاركنا بتجربتو ..
لايكاتكم و تعليقاتكم تدعمني و ارائكم تهمني <<شرايكم بالله ماعرفتني والله  XD!!