مساء الخير
انشالله كلكم بخير يارب
حبيت انزل اليوم بوست عن تجربتي مع زيت اغادير المغربي
طبعا الكل عارف عن فوائد argan oil للشعر والوجه والجسم
بالنسبه لي انا جربته للشعر حاليا لي 3 شهور استخدمه
وصف
بلسم خفيف يتكون من زيت الارغن الصافي 100% يحتوي على فيتامين e ومضادات للاكسده واحماض دهنيه اساسيه غير مشبعه
ممزوج بالاوميغا 6 و9
يساعد على فك التشابك وتليين الشعر الجاف ويقي الشعر من الحراره والضرر الكيميائي يمنح الشعر تغذيه وصحه ولمعان مثالي لجميع انواع الشعر
طريقه الاستخدام
يوضع على الاجزاء المتضرره من الشعر مرتين يوميا اذا كان شديد التضرر اما اذا كان عادي يوضع بعد كل استحمام والشعر مبلول
تجربتي الشخصيه
هذا الزيت مو مثل الزيوت العاديه تععطي الشعر ملمس دهني هو جاي اخف من الزيت واثقل من السيروم
وريحته حلوه الجميل فيه بعد الاستخدام تحسين شعرك حيوي وفيه لمعه كانه شارب مويه >>وصل التشبيه :&
وتقدرين تستخدمينه قبل التصفيف لانه زي ماقلت لكم انه مو دهني جاي على سيروم اكثر ويحممي الشعر من الحراره
انا عن نفسي حبيته مره ولو خلص حطلب منه مره ثانيه وثالثه انشالله
مومتوفر بالمحلات اذا عندك فيزا اطلبيه اون لاين من امازون او اذا ماعندك فيه كثير تاجرات يوفرونه
قبل فتره وانا ادور بالسوق لقيت شي شبيه منه من شركه لوريال نفس الفكره معالج للشعر وجربته واعطاني نفس النتيجه
متوفر في الصيدليات والسوبرماركت
وهذا كل الي عندي عن زيت اغادير انشالله اكون افدتكم وشاركوني تجاربكم هنا او على الانستقرام
1 comment:
بكم سعره
انا جربت مكاديميا مرره روووعه @no_rra
Post a Comment